الرئيسية > مشاركات الأصدقاء, مطبخ > قوارب الباذنجان

قوارب الباذنجان

مرسلة من الصديقة ورود

 

أصدقائي هذه أكلة تعلمتها وطبقتها وصارت من أطباقي المفضلة ان شاء الله تعجبكم

قوارب الباذنجان أومنزلة البيتنجان (بالعامية)

المقادير:

كيلو بيذنجان
ونصف كيلو لحم مفروم
بصلتين صغار
رب البندورة مع عصير بندورة (ممكن مبروشين)وملح وبهارات حسب رغبتكون

الطريقة:

نقشر الباذنجان ونشيل لرأس الأخضر

تقلى في زيت حامي وغزير وتقلب على كل الجهات حتى تحمر بشرط أن تحافظ على شكلها
(يعني تقلى تقريبا نصف قلية)
ثم في صينية فرن نضع عصير البندورة مع رب البندورة

(دبس بندورة)
ونصف الباذنجان بعد عمل شق طولي بكل واحدة للحشو
والحشو عبارة عن بصلة ملفحة مع اللحمة والبهارات المفضلة عندكم
ثم تحشى بملعقة وسط مع الحفاظ على الشكل
وتدخل الفرن من ربع الى نصف ساعة
وتقدم مع الرز الأبيض بالشعيرية

About these ads
  1. الين
    8 يناير 2012 الساعة 13:18

    اخييييرا يا ورود ,مبروك هههه
    اكله طيبه,, وبتقدري تقولي محسوبه على الأكلات المفضله عندي لأنها سهلة التحضير وبنفس الطريقه,يعني ما في إضافات ,مشكورة

  2. مـــأمون
    8 يناير 2012 الساعة 13:21

    رغم اني ما بحب المنزّلة يا ورود بس جوعتيني وانا وحيداً شريداً بحلب مافي حدا يطبخلي ..^_^ ..
    لذلك اليوم رح ارجع مارس مهنة التطفل والشحادة …
    مشكوورة خيتو

  3. الين
    8 يناير 2012 الساعة 13:34

    مأمون وين بحلب بالحميديه او بالعزيزيه ,^_^,على فكرة حلب زرتها كتير,
    سلام الك ولأهل حلب

  4. مـــأمون
    8 يناير 2012 الساعة 13:37

    هههه الله يسلمك …قصدك الحمدانية .. بس لا هون ولا هون .. بسوق الانتاج .. تعرفيه .. او فيكي تقولي بالمحافظة ..!!

  5. 8 يناير 2012 الساعة 13:40

    السلام عليكم ,, ولله بارعة ورورد طريقة التحضير وطريقة تصويرهم بتشهي

  6. شيرين المصريه
    8 يناير 2012 الساعة 13:50

    الين ازيــــــــــــــــــــــــــــــــــــك؟؟؟
    لو لسه هنا عايزة طريقة عمل التبوله عشان انا مره اخدتها من موقع (الحاجه فتحيه للاكلات الشعبيه) وطلعت مش تبوله خالص !!!

  7. شيرين المصريه
    8 يناير 2012 الساعة 13:52

    ورود ياختى ماتقولى انها مسقعه مصرى ونخلص هههههههههههههه
    ازيك يا عريــــــــــــــــــــــــــــــــــــــــــــــس؟؟؟

  8. شيرين المصريه
    8 يناير 2012 الساعة 13:55

    اليـــــــــــــــــــــــــــــــــــــــــــــــــــــــــــــــن..روحتى فين؟؟؟
    عايزة اعمل تبوله اهئ اهئ

    • الين
      8 يناير 2012 الساعة 23:22

      دكتورة شيرين,, عذرا هلأ شفت تعليقك ما تواخذيني,,
      بس شوفك بقلك مقوماتها,اسرار حربيه ما بقدر قولها لمين ما كان ^_^

      • وروود :)
        8 يناير 2012 الساعة 23:25

        يا ربي محلا أسرارك يا إلين شو بتزيد التبولة عن الي كتبتو أنا تحت ومنكم نستفيد

  9. 8 يناير 2012 الساعة 13:56

    الحمد لله شرين وإنتي ؟

  10. شيرين المصريه
    8 يناير 2012 الساعة 14:00

    الحمد لله يا يوسف
    انا خلاص مش بقيت اخش المحروقه نورت دى تانى
    اشكرك يا يوسف انك نبهتنى
    وانا بكــــــــــــــــــــــــــــــــــــــــــــــــره اسرائيل وبحب عمرو دياب !!

  11. 8 يناير 2012 الساعة 14:03

    بطلتي تحبي شعبان عبد الرحيم ههههههههههه
    نورت إنكشفت للكل ولن يُعلق فيها من هو عاقل ثانيتا,,وطبعا الكل حر

  12. noha
    8 يناير 2012 الساعة 17:18

    السلام على الجميع
    يسلموا هالديات ورد الجوري لأكله تحضيرها كتير هين بس انا بقترح مع اللحمه صنوبر مقلى بتطلع بتتجنن

    • وروود :)
      8 يناير 2012 الساعة 18:28

      صح نهى فيه كتير ناس بتحب تضيف مكسرات مع المفرومة وخاصة بعمل الكبة بس زوجي لا يحبها وأمي كانت تحط معها ولكن طريقة امي غير هذه فهي تحفرها مثل الكوسا (تفرغ قلبها قليلا )ثم تحشوها وتقليها بس هيك انا لقيتها احلا
      شكرا لمروركم الين ومأمون وشيرين الغالية والأخ يوسف اتمنى جد انها عجبتكم

  13. احمد عطيات ابو المنذر
    8 يناير 2012 الساعة 18:06

    موضوع ورود عن الباذنجان ذكرني بقصة خادم السلطان
    يحكى ان احد السلاطين كان جائعا جدا فطلب اي أكلة جاهزة على الفور ولم يكن هناك الا صحن من الباذنجان فتناوله السلطان بشهية وقال :- حقا الباذنجان طعام لذيذ وشهي!!
    فقام احد افراد الحاشية وصار يمدح الباذنجان ويعدد مناقبه وفوائده وكاد ان يقول فيه شعرا , وبعد ان شبع السلطان شعر بالانتفاخ فقال منزعجا :- الباذنجان شيئ مزعج وينفخ البطن.
    وهنا قام نفس الشخص وصار يذم الباذنجان ويتحدث باسهاب عن مضاره ومساوئه , استغرب السلطان وخاطب الرجل قائلا :
    – حيرتني يارجل ساعة تمدح الباذنجان وساعة تذمه فهل انت معه او ضده ؟
    وهنا قام الرجل وقال ببساطة :
    – أطال الله عمر مولانا السلطان أنا خادمك انت ويهمني رضاك انت ولست خادم الباذنجان ولايعني لي اي شيئ .

    • وروود :)
      8 يناير 2012 الساعة 18:23

      ههههههههههههههههه كلو يهون لعيون السلطان مدح وذم حسب ما يحب

  14. وروود :)
    8 يناير 2012 الساعة 18:21

    وأخيرا أخيـــــــــــــــــــــــرا نزل الموضوع بعد 4 ايميلات مو مشكلة
    شكرا يوسف للعرض وبتشكر كل مين عجبتو الأكلة ترى هاي بس تجريب ومن هون ورايح رح تشوفو شئدني طبيخة :)
    شكرا صحة وهنا للجميع الي ما يعرفها يجربها عن جد طيبة

  15. noha
    8 يناير 2012 الساعة 18:38

    طريقتك عجبتني اكتر يا وروود و أذا الله راد بهالأسبوع بدي جربها
    كيفك أستاذ احمد مش طيب اكلها لأختنا وروود ?

  16. مصطفى
    8 يناير 2012 الساعة 18:39

    ممممممممممممممممممم
    ورود الاكله شهيه جدا انا اموت في الباذنجان ..
    لكن الايوجد صحن لكي نذوق ورود ؟؟ لاتكوني بخيله ههههههه

    • وروود :)
      8 يناير 2012 الساعة 18:41

      تكرم أخي يا ميت أهلا وسهلا فيك تعال لعنا بتشرفنا بزيارتك وأحلا غدا منوع كمان ولو أنت أخي الصغير وتكرم عينك

  17. وروود :)
    8 يناير 2012 الساعة 18:40

    أيه جربيها ورح تدعيلي انا كتبتلك انو أمي بتساويها غير بس حبيت هاي الطريقة أكثر وصحة وهنا سلفا بدي نبه اني انا هون عاملة رز اسمر ومو ابيض والأختيار الكون

  18. noha
    8 يناير 2012 الساعة 18:40

    وروود بعتيلنا طريقة تقريص الكبه إذا ممكن بس مع صور

  19. بغداد
    8 يناير 2012 الساعة 18:41

    مممم شكرا عالوصفة رح اجربها

    • وروود :)
      8 يناير 2012 الساعة 18:43

      العفو جربيها وصحة وهنا وعافية

      • بغداد
        9 يناير 2012 الساعة 04:10

        هي مو بالكلام ورود ابعثيلنا قارب هههههههه

  20. وروود :)
    8 يناير 2012 الساعة 18:42

    حاضر أنا كنت أشارك بطبخاتي في منتدى معيين ولذلك كثيرا من الأكلات عندي صورها وطريقة تحضيرها
    بدك كبة البطاطا ولا الكبة العادية ومع الأيام رح حاول نزل التنتيين ان شاء الله

  21. noha
    8 يناير 2012 الساعة 18:44

    كيفك ست بغداد وينك ووين اخونا البلدوزر ?

    • بغداد
      9 يناير 2012 الساعة 04:08

      أهلا نها شلونك؟ ان شاء الله سنة سعيدة عليكي,

  22. شيرين المصريه
    8 يناير 2012 الساعة 18:45

    ازيكـــــــــــــــــــــــــــــــــــــــــــــــــــــــــــــــــــــــــــــــــــــــــــو جميعا
    ورود طريقة التبوله بسرعه

  23. noha
    8 يناير 2012 الساعة 18:45

    التنين التنين بس بشرط مع صور

  24. شيرين المصريه
    8 يناير 2012 الساعة 18:46

    بغداد نهى ازيكو؟؟؟

    • بغداد
      9 يناير 2012 الساعة 04:09

      أهلا بيكي شيرين

  25. noha
    8 يناير 2012 الساعة 18:47

    اهلاً بالدكتوره شيرين في لأرشيف هنا توجد التبوله

  26. noha
    8 يناير 2012 الساعة 18:49

    كيف لأهلي يا كتوره

  27. شيرين المصريه
    8 يناير 2012 الساعة 18:49

    الارشيف فين يا نهى؟؟؟

  28. 8 يناير 2012 الساعة 18:49

    مممممممممممممم,شكرا اختي ورود على الوصفة راح جربها…

  29. 8 يناير 2012 الساعة 18:50

    السلام عليكم جميعاااااا

    • وروود :)
      8 يناير 2012 الساعة 18:53

      شكرا أختي حنان اتمنى ان تجربيها بيوم
      وصحة وهنا وعافية تدوم عليكون جميعا حبيايبي

  30. مصطفى
    8 يناير 2012 الساعة 18:51

    السلام على جميع المعلقات ..
    نهى .. شيرين (للمره الثانيه ههه :) ) .. ورود .. بغداد .. والجميع …
    انا اخرج لان الجلسه صارت نسائيه.

  31. شيرين المصريه
    8 يناير 2012 الساعة 18:51

    طاب انا لازم امشى دلوقتى سلام

  32. مصطفى
    8 يناير 2012 الساعة 18:51

    والاخت حنان .. ايضا.

  33. 8 يناير 2012 الساعة 18:51

    وعليكم السلام السلام حنونة,,,

  34. noha
    8 يناير 2012 الساعة 18:51

    ابحثي في لأعلى عن كلمة مطبخ

  35. وروود :)
    8 يناير 2012 الساعة 18:52

    عزيزتي شيرين التبولة سهلة وبسيطة وهاي نهى اللبنانية بتساعدك أكثر
    بس بتحتاجي بقدوني مفروم ناعم وبصلة او تنتين خضر وبندورة شي حبتيين صغار وبرغل وبظن انك راح تسألي على البرغل
    هوي متل القمح الجروش ناعم فيك تبحثي بغوغل عنو اكيد الو اسم بمصر
    وزيت حلو وملح وحـامض ليمونتين وووووو شو كمان هههههه
    انا بحط البرغل اولا وبقطع فوقو البندورة وفيه ناس بتضيف قليل من رب البندورة بس انا ما بحط والبقدونس والبصلة وبس بالأخير بتحطي الملح والزيت واللمون وبتاكليها وصحة وهنا
    __________________________
    نهى تكرم عيونك انا ما بنزل اكلات بدون صور توضيح قريبا ان شاء الله
    بعتذر من الجميع زوجي بالبيت وما بحب طول على النت بعملو خاطر هههههههههه باي شكرا لكل من عجبتو الأكلة اتمنى ان اساعدكم وأفيدكم

    • مـــــــأمون
      8 يناير 2012 الساعة 19:19

      التبولة سورية سورية سورية سورية وبسسسسسسسسسسسسسسسسسسس

  36. noha
    8 يناير 2012 الساعة 18:53

    اهلاً باللمه لحلوه

  37. 8 يناير 2012 الساعة 18:53

    وأنا أيضا سأركب قارب من قوارب أخت ورود وأترككم قليلا سلام,,

  38. مصطفى
    8 يناير 2012 الساعة 18:55

    هذه عنوان ارشيف المطبخ ..

    http://youssefes.wordpress.com/category/%D9%85%D8%B7%D8%A8%D8%AE/

  39. وروود :)
    8 يناير 2012 الساعة 18:55

    يا خسارة طولت بالكتابة ما لحقت شيرين :(
    يالله ربي يكون معكون جميعا وبالسلامة شكرا من القلب يا نهى ونعم الأخت انتي

  40. noha
    8 يناير 2012 الساعة 18:56

    د٠ شيرين في اعلى هذه لصفحه كلمة مطبخ هناك طلبك

  41. مصطفى
    8 يناير 2012 الساعة 18:56

    يوسف انا ماعندي نقود كافيه ادفع للاخت ورود .. فركبني معاك بالقارب هههههههه ..
    انا استاذن الجميع .. اوقات ممتعه لكم ..
    سلاااااااااام .

  42. الين
    8 يناير 2012 الساعة 23:35

    ورود بدي طريقة عمل شاكريه برز ويا ريت تكون بالحلقه المقبله,لوسمحتي

  43. أُم داني
    10 يناير 2012 الساعة 19:18

    سلام عليكم
    يا سلااااام
    لك اظهر وبان عليك الأمان
    صحيح العين بتستحلي
    منظرهالمنزله رائع وأكيد الطعمه بتشهي
    طريقتك مريحه ومنسقه
    برااااااافو
    بركاتك يا بيتنا الجديد
    يسلموا هالأنامل يا ورود

  44. الين
    10 يناير 2012 الساعة 19:30

    شايفه ام داني ,,قلتلها لورود تبعتلي طريقة عمل الشاكريه طنشت ,يمكن ما بتعرف تعملها ومستحيه تقول ^_^

    • أُم داني
      10 يناير 2012 الساعة 19:36

      بشويش يا ألين
      شكلها هالشاكريه من اسمها صعبه

      يمكن الخير رح يجي لقدّام

      • وروود :)
        10 يناير 2012 الساعة 23:48

        شكرا لكلامك يا أخت أم داني وشكرا لتشجيعك أنا كنت بتمنى قدم أحسن وأفضل
        وإن شاء الله بحسن قدم لكم خدمة
        إلين حبيبتي لو تعرفي وين كنت غايبة كنتي عذرتيني بس والله ما نسيت الشاكرية وتكرم عينك هسس سهلة كتير كتير ورح نزلها بهالأسبوع كرمالك

  45. noha
    10 يناير 2012 الساعة 19:39

    على سيرة مستحيه تقول

  46. noha
    10 يناير 2012 الساعة 19:40

  47. الين
    10 يناير 2012 الساعة 19:40

    هههه هيك قولتك ,,
    ملينا مجدرة سعاد ,قلنا بنبحبحها شوي,طلعت كتير مش شوي
    خلص بنخليها شظ مز ,,ورود أظن سهله

  48. noha
    10 يناير 2012 الساعة 20:17

  49. وروود :)
    10 يناير 2012 الساعة 23:49

    تسلمي لقلبي يا نهى عندي الك أخبار بتجنن وينك

  50. noha
    11 يناير 2012 الساعة 07:33

    هون يا وروود إنتِ وينك ؟

  51. noha
    11 يناير 2012 الساعة 07:36

  52. noha
    11 يناير 2012 الساعة 07:42

    اعذريني وروود لكن اشعر ان لغة الأغاني تعبر عني جيداً هذا يذكرني ب فتى عندما كنا صغار كان يسمعني دائماً اغاني عاطفيه و ينظر اليّ ليرى ردة فعلي ههههههه

    • وروود :)
      11 يناير 2012 الساعة 20:57

      هههههههههههههههههه يا يا نهى وأنا ياما كانت الأغاني تفرحني وتبكيني بهديك المرحلة (المراهقة )

  53. كارولينا
    11 يناير 2012 الساعة 07:46

    هههههه .. صباح الروقان و المشاعر الحلوة نهى ..
    كيفك ان شاءالله بخير ؟
    ..
    و صباح الخير و سلام لاخي ابو المنذر ..

  54. كارولينا
    11 يناير 2012 الساعة 07:56

    عفوا وروود .. منظر الطبخة بشهي ^_^
    رح اطبخها اليوم
    يسلمو ايديكي ما قصرتي .. بس الصور لحالا ما بتشبعنا هاه ..!!!
    هزيلنا كتافك و زبطيلنا عزيمة ^_*

    • وروود :)
      11 يناير 2012 الساعة 20:58

      صحة وهنا كارولينا جربيها ورح تحبيها (دعاية لمطبخي ببلاش )

  55. nor & salam
    11 يناير 2012 الساعة 08:34

    السلام عليكم يا نسوان
    كيف الحال؟
    الآن فتحت نورت وجدتها تعرضت لقرصنة

    • nor & salam
      11 يناير 2012 الساعة 08:38

      شكرا ورود على الطبخة، نورت ألهتنا عن قسم الطبخ

      • وروود :)
        11 يناير 2012 الساعة 20:59

        شو القصة حدا يخبرني كيف تقرصنت يعني اذا حدا موجود يحكيلي بليز
        شكرا نور لمرورك

  56. مراحب
    11 يناير 2012 الساعة 08:37

    صباح الخير شغال جيش النظام الالكتروني

  57. مراحب
    11 يناير 2012 الساعة 08:39

    شو طيبة هي الاكلة بحبها كتير شكرا ورود ذكرتيني فيها
    الصور اللي نازلين بالمشاركة هي للطبخة اللي انتِ طبختيها ورود

    • وروود :)
      11 يناير 2012 الساعة 21:00

      هههههههههه ايه مراحب ولسا ما شفتي شي :) ميت مرة عزمتك ووقت تجي لعندي بتتأكدي

  58. 11 يناير 2012 الساعة 09:31

    يم يم يم شو هالجوع والاكلات الطيبة ع الصبح
    شكرا ورود
    طبخة طيبة وسلامي للجميع

    • وروود :)
      11 يناير 2012 الساعة 21:01

      عفوا ندوش بدنا الرضى

      • 12 يناير 2012 الساعة 11:26

        قلبي وشعري رضيانين عليكي يا ورود هههههههههههه

  59. احمد عطيات ابو المنذر
    11 يناير 2012 الساعة 10:20

    قيل لاعرابي: ما تقول في الباذنجان؟ فقال: أذناب المحاجم وبطون العقارب وبذور الزقوم،
    فقالوا له: انه يحشى باللحم فيكون طيباً فقال لو حشي بالتقوى والمغفرة ما افلح.

    • GENTLE
      11 يناير 2012 الساعة 10:36

      السلام عليكم
      ههههههه شكلك من اعداء المتبل والمكدوس والمحاشي يا ابو المنذر!!!

  60. وروود :)
    11 يناير 2012 الساعة 21:02

    والله أنا الي فهمتو ان ابو المنذر بحب البيتنجان ويمكن العكس صحيح
    تحياتي لك جنتل وللأخ احمد

    • احمد عطيات ابو المنذر
      11 يناير 2012 الساعة 21:07

      لا احد يحب الباذنجان في بيتنا غيري ولا سيما في حالة المحاشي والمقلوبة …ولكن انا حادم الحق في القول ولست خادم السلطان ولا الباذنجان !!

  61. كارولينا
    11 يناير 2012 الساعة 21:04

    هههههه اكيد رح حبها ورود
    شو اخبارك ان شاءالله بخير .. الك وحشة والله ^_^
    برجع بشوف ردك بعدين
    لازم روح حالا بالا O_o !!

  62. وروود :)
    11 يناير 2012 الساعة 21:14

    هههههههههه انت سلطان الستوماكا يعني بطنك وما يهوى ريتو صحتين اخي وأنا كمان بحب متبل البتنجان المشوي كتير
    كارولينا والله تعبانة كتير وخاصة هالأسبوع ابني ما عاد راح على المدرسة وطول النهار عم يفكرو كيف بدهون يغيرو ديكور البيت
    والله لو الحيطان بتتحرك كانو ما قصرو كل يوم بيتنا بيكون وكأننا عم نعزل :) ولكن الحمد لله على الصحة والعافية

  63. GENTLE
    11 يناير 2012 الساعة 21:15

    وتحياتي لك ايضا يا ورود..

  1. No trackbacks yet.

المواضييع و التعليقات تعبر عن آراء أصحابها وليس عن رأي جريدة الأصدقاء.

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل خروج   / تغيير )

Twitter picture

You are commenting using your Twitter account. تسجيل خروج   / تغيير )

Facebook photo

You are commenting using your Facebook account. تسجيل خروج   / تغيير )

Google+ photo

You are commenting using your Google+ account. تسجيل خروج   / تغيير )

Connecting to %s

تابع

Get every new post delivered to your Inbox.

%d bloggers like this: